IKUSMEN URRITASUNA

LAU IZKINAK

2007-05-31T20:00:00.000-07:00

JOKALARI KOPURUA: 10-15 inguru

LEKUA: Kantxa batean (edo espazio bera duen edozein leku lau)

MATERIALA: Koltsonetak eta uztailak

NORI ZUZENDUA: Itsu eta ikusmen-urritasuna dutenentzat (bestela begiak zapi batekin estali)
HELBURUA: Zentzumena eta abilezia landu

ALDAERA: Eremua handitu eta txikitu daiteke

DESKRIBAPENA: Uztailak izkinak izango dira. Hasieran, jokalari bakoitza uztail baten barruan kokatuko da. Itsuak izkina batetik bestera mugitzeko, koltsoneta bat izango du uztail batetik bestera(era honetan itsuak ez dira bidetik irtengo). Gelditzen dena, koltsonetak itzi egiten duten eremu barruan egongo da eta "ba" esaten duen bakoitzean, izkinetakoak lekuz aldatu beharko dira, bera izkina bat hartzen duelarik. Hau gertatzean, izkina gabe gelditu dena izango da geratzen dena.

Ondoren agertzen den orrialdean, ezindu umeekin jolasteko hainbat jolas aurkituko dituzue: http://html.rincondelvago.com/juegos_6.html

ARIKETA FISIKOEN GARRANTZIA

2007-05-28T17:30:00.000-07:00

Ikusmen-urritasunak beste zenbait asaldura fisiko ekartzen ditu berarekin:
· Ikusmen urrikoaren gorputzaren lerrokadura oker egon ohi da eta honek moldatzeko arazoak eragiten dizkio.
· Lerrokadura oker dutenek muskulu eta muskulu-talde batzuetan arazoak dituzte.
· Oreka eta koordinazio-arazoak izaten dituzte, eta ibilera ere berezia izaten da.
· Lerrokadura, mugikortasun, oreka, koordinazio eta ibilerako arazoak nabariagoak dira jaiotzatik itsu direnean, ondoren itsututakoen eta ikusmen-urritasun partziala dutenen artean baino.
· Jarduera fisikoa egiten duten pertsonekin eginiko ikerketek ariketa fisiko erregularrak arazo hauek guztiak arintzen dituela frogatu dute.
Ariketa fisikoa egin ahal izateko laguntzarik garrantzitsuenak soinudun seinaleak edota ukipen-seinaleak, eta ondoan joaten diren laguntzaileak dira.
Ariketa espezifikoetan GOAL-BALL -a aipatu beharra dago

GEHIAGO IKUSTEKO

2007-05-22T16:30:00.000-07:00

Badaude ikusmen urritasunarekin eta beste urritasun batzuekin erlazionatuta dauden hainbat orrialde:
· Ezinduentzako Teknologia berrien aurrerakuntzak
· Irakaskuntzarako laguntza-zerbitzuak/IBT-Itsuen Baliabidetegiak
· Ezinduen integrazioa
· Puerto Rico -ko unibertsitatean ume itsuentzako bigarren udalekua zabaldu da
· ONCE organizazioa

IKUSMEN URRITASUN MAILAK

2007-05-10T07:49:00.000-07:00

Ikusmen urritasunaren barnean, maila edo tipo ezberdinak aurkitu daitezke:

1. Bere gain hartzen duen urritasuna:
1.1. Ikasle itsuak
1.2. 0.3 edo gutxiagoko begi zorroztasuna dutenak
1.3. Ikusmen eredua %10 baino gutxiago dutenak

2. Ikusteko urritasun moderatua:
2.1. 0.3 - 0.12 bitarteko urrutiko begi-zorroztasuna duten ikasleak

3. Ikusteko urritasun larria:
3.1. 0.11 - 0.06 bitarteko urrutiko begi-zorroztasuna duten ikasleak

4. Ikusteko urritasun sakona:
4.1. 0.06 - 0.02 bitarteko urrutiko begi-zorroztasuna duten ikasleak

5. Itsutasuna:
5.1. Batere ikusten ez duten ikasleak

ITSUEN GAITASUNAK

2007-05-04T07:20:00.000-07:00

Ikuspuntu psikologikotik aztertuta, badira desberdintasunak ikusle eta itsuen gaitasunetan, entzumenaren eta ukimenaren bidez informazioa jaso eta biltzeko garaian. Itsuak informazioa bildu, jaso eta oroimenean gordetzeko duen gaitasuna eguneroko praktikari esker hobetzen dute. Gai honi buruzko ikerketek frogatu dute itsuek ikusleek baino hobeto egiten dituztela eginkizun batzuk. Adibidez, ukimenaren bidez zenbait forma konplexu berrezagutu dezakete. Arrazoia: informazio hori oroimenean gordetzeko esplorazio teknika egokiagoak eta hobeagoak erabiltzen dituztela. Adibide egokiena Braille-an dugu.
Horrez gain, itsuek erraztasun eta zehaztasun handiagoa izaten dute objektuek emititzen duten soinuen arabera non dauden jakiteko. Gaitasun honi trabaren zentsua edo ikusmen faziala deritzogu. Itsu batek ezagutzen ez duen toki batean bere ibilaldia nola eteten duen, ate edo harresi baten aurrean traba hori hor dagoela esaten dion inongo adierazgarririk gabe. Maila honetan egin diren ikerketak erakutsi dute traben pertzepzio ez bisuala egiten dela entzumenaren bidez. Soinua objektu batekin jotzean, forma desberdinez hautematen da; itsu batek soinu hori espazio irekian entzutean, beste modu batez hautemango luke. Gaitasun honek praktika eskatzen du eta ikusleengan edo itsu gelditu direnekin entrenatu daiteke ere.

IKUTZE AKTIBOA

2007-05-04T02:36:00.001-07:00

Ukimen aktiboa informazioa aktiboki bilatzen duen zentsu sistema da. Mundua ezagutzeko tresna baliagarria. Testuinguru teoriko honetan, ukimena, ikusmenik ez badago mundua ezagutzeko ezinbestekoa bihurtuko da.

ESPAZIOA

2007-04-26T00:21:00.000-07:00

Beti pentsatu izan da espazioaren ezagutza ezinezkoa dela ikusten ez bada. Hala ere, itsuek egunero egiten dituzten ekintzak aztertzen baditugu, ezingo dugu esan espazioaren ezagutzarik ez dutenik. Itsuek, baita inoiz ikusi dutenak ere, espazioaren biraketa formak mentalki irudikatu ditzakete, bere gorputz eskema erreferentziatzat hartuta. Honetarako gorputzaren ardatz horizontal edo bertikala har dezakete orientabide gisa edo bestela gorputzaren zati edo atal bat, adibidez: eskua edo besoa. Hala ere ezin da ukan ikusmenak biraketa mentalerako oso lagungarria dela, horregatik, berankorrek jaiotzakoek baino arazo gutxiago dutela eginkizun hauek egiterakoan. Beraz, komenigarria da, haur itsuengan gorputz eskema ahalik eta gehien lantzea.

MATERIALEN EGOKITZAPENA

2007-04-09T23:55:00.000-07:00

Guztiok dakigu atal honek duen garrantzia bai ikusmen urritasuneko kasuetan eta baita beste kasu askotan ere. Hori dela eta, orain dela urte batzuk semaforoak eta bestelakoak egokitzen hasi ziren baina gure eguneroko ibilbideetan arreta jarriz gero, errez konturatu gaitezke egokitzapen hauek oso murritzak direla, hau da, oso semaforo gutxi moldatu dituztela ikusmen urritasuneko pertsonentzat, edo oso espaloi eta eskailera gutxi aldatu dituztela mugimendu urritasuneko pertsonentzat.

Dena dela, hauek ez dira egin beharreko egokitzapen bakarrak. Ikusmen urritasuneko pertsonentzat, alfabeto berezia sortu izan da, Braille izenekoa hain zuzen ere. Honi esker, liburuak ere moldatuak izan dira, irakurketa ahalbideratuz. Hala eta guztiz ere, liburu asko, Braille-n idatzi beharrean zinta edo CD baten grabatzen dituzte, entzumena garatuz.

Guzti hauetaz gain, , beste material asko ere egokituz jaon dira, esate baterako bideoak, "audio descripción" edo "audesc" metodoa erabiliz. Metodo honekin, filmeko eskenak edo pertsonaiak deskribatu egiten dira, ikusten ez dena, irudimena erabiliz, "ikusi" ahal izateko.
Edo baloiak futbolera jolasteko. Hauen barruan, kaskabel antzeko batzuk sartzen dituzte eta mugimenduan daudenean zarata egiten dute.

BRAILLE SISTEMA

2007-03-27T08:07:00.000-07:00

Braille sistema, 1825. urtean Louis Braille-k asmatu zuen erliebean jarritako puntu sistema bat da. Hau da, hizki arruntak bezain baliagarria den tresna bat, itsuei irakurri, idatzi, konposatu edota informatikan jarduteko aukera ematen diena.
Baina Braille sistema, gauza denen gainetik, alfabetoa da. Ez da hizkuntza bat, ezta kode sekretu bat ere.
Berari esker hizki eta puntuazio zeinu guztiak, zenbakiak, grafia zientifikoa, zeinu matematikoak, musika....aurkeztu edo adierazi daitezke.
6 puntu dituen eta logikan oinarritzen den sistema da. 6 puntu hauetatik 63 konbinazio ezberdin lortzen dira, eta puntu baten presentziak edo honen faltak, zein hizkiaz ari garen adierazten digu.

ZER DA IKUSMEN URRITASUNA?

2007-03-20T01:16:00.000-07:00

Ikusmen urritasuna, ikusteko ahalmen gutxitua da, argi eta itzalak desberdintzeko ahalmenaren desagertzetik, "ikusmen baliogarri" bezala ezagutzen dugun ikusmen maila arte.
Irakasle bezala, eta taldean, hezkuntza sistemari ikasle itsu eta ikusmen urrikoek behar dituzten baliabideak eta laguntza espezializatua eman beharko genizkioke. Gainera, haien ikasketa prozesuan Hezkuntzak markatutako helburuak eta ikasle hauek ahalik eta autonomoenak izan daitezen eguneroko ekintza eskolar eta sozialak egiten saiatu beharko gara.

Aurkezpena

2007-01-21T13:19:00.000-08:00

Kaixo, Maitane Gorostizaga nauzue, 22 urtetako, Algortako neskatila bat. Blog honen bitartez, ikusmen urritasuna duten pertsonei, ekintzei, materialen egokitzapenei.... buruz arituko natzaizuet.

2007-01-03T08:15:00.000-08:00

Iep!

Aurkezpenarekin jarraituz (lehen saioa alboko zutabean daukazue...), argazkikoak ni eta nire mutila gara (...)